ຮ້ອນແຮງ! ສາວລາວ U15 ຊະນະ 3 ນັດລວດ! ຊະນະກໍາປູເຈຍ 2-0 ເຂົ້າຮອງຮອງຊະນະເລີດ

May 15, 2019 0

ວັນທີ 15 ພຶດສະພາ 2019 ຢູ່ທີ່ສະຫນາມ ຫນາມ Institute of Physical Education Chonburi Campus Stadium 1 ແຂວງຊົນບູຣີ ປະເທດໄທ ໄດ້ມີການແຂ່ງຂັນບານເຕະຍິງຊີງແຊ້ມອາຊຽນ ຮຸ່ນອາຍຸບໍ່ເກີນ 15 ປີ ຫລື AFF U15 GIRLS’ CHAMPIONSHIP 2019 ເຊິ່ງ ທີມຊາດລາວ ທີມນຳຕາຕະລາງຄະແນນ ລົງສະຫນາມນັດທີ 3 ພົບກັບ ທີມຊາດກຳປູເຈຍ ລົງສະຫນາມນັດທີ 4



ເຊິ່ງເກມການແຂ່ງຂັນນັດດັ່ງກ່າວ ທີມຊາດລາວ ໄດ້ພັກນັກກິລາຕົວຫລັກຫລາຍຕຳແຫນ່ງ ຜ່ານການແຂ່ງຂັນຜົນປາກົດວ່າ ທີມຊາດລາວ ສາມາດເອົາຊະນະ ທີມຊາດກຳປູເຈຍ 2-0 ໂດຍ ທີມຊາດລາວ ໄດ້ປະຕູ ຈາກ ເບີ 9 ຈິນດາ ສີຫາລາດ ນາທີ 29 ແລະ ເບີ 10 ແສງເດືອນ ພົງໄພລັດ ນາທີ 49 . ຈາກໄຊຊະນະດັ່ງກ່າວເຮັດໃຫ້ທີມຊາດລາວ ມີເພີ້ມ 9 ຄະແນນຜ່ານເຂົ້າສູ່ຮອບຮອງຊະນະເລີດ ຫລັງຈາກລົງສະຫນາມ 3 ນັດ ຊະນະ 3 ນັດ ມີ 9 ຄະແນນ ສ່ວນຜົນຄູ່ອື່ນໃນກຸ່ມດຽວກັນນັ້ນ ທີມຊາດໄທ​ ຊະນະ​ ທີມຊາດ ມາເລເຊຍ​ 11-0.



ລາຍຊື່ນັກກິລາລົງສະຫນາມ
- ຜູ້ຮັກສາປະຕູ
ເບີ 1 ວິລະດາ ອິນທິສານ
- ກອງຫລັງ
ເບີ 2 ກາເຫວົາ ວົງພະຈັນ
ເບີ 3 ກະເຕັນ ວົງສະຫວັນ
ເບີ 17 ແພວັນ ວິໄລສັກ
ເບີ 13 ລັດສະຫມີ ສີສົມພານ


- ກອງກາງ
ເບີ 15 ປຸ້ຍ ໄຊຍະຊວງ
ເບີ 7 ໃຈຄຳ ( ຫົວຫນ້າທີມ )
ເບີ 11 ພອນສະຫວັນ ພົນເສນາ
ເບີ 21 ສຸພາພອນ ໄຊສຸລະ
- ກອງຫນ້າ
ເບີ 10 ແສງເດືອນ ພົງໄພລັດ
ເບີ 9 ຈິນດາ ສີຫາລາດ



ທີມຊາດລາວ ຍັງເຫລືອການແຂ່ງຂັນ ນັດສຸດທ້າຍ ເພື່ອຍາດຊີງອັນດັບ 1 ຂອງກຸ່ມ ບີ ໂດຍຈະແຂ່ງຂັນ ວັນທີ 17/05/2019 ເວລາ 18:00 ທີມຊາດລາວ ພົບ ທີມຊາດໄທ ແຂ່ງຂັນຢູ່ທີ່ສະຫນາມ Institute of Physical Education Chonburi Campus Stadium 1.






ຄະແນນ



ພາບບັນຍາກາດ

--------------------------------

© All in LAOS