ໄວລຸ້ນ ຊິ້ງລົດຈັກ ເສຍຫຼັກ ຕໍາເຂົ້າຮ້ານຂາຍເຄື່ອງ ກາງເດິກ ເຈັບ 2 ຄົນ ທາງໂຄ້ງບ້ານຫາດຊາຍຂາວ
ນະຄອນຫຼວງວຽງຈັນ: ລາຍງານຈາກ 1623 ໃຫ້ຮູ້ວ່າ ໃນວັນທີ 21 ມິຖຸນາ 2019 ເວລາ 00:08 ໂມງ ໜ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປ ລາວ ໄດ້ຮັບແຈ້ງເຫດຜ່ານເບີ 1623 ວ່າມີ ເຫດລົດຈັກເສຍຫຼັກແລ່ນຕໍາເຂົ້າຮ້ານຂາຍເຄື່ອງ. ຈຸດເກີດເຫດ ແມ່ນທາງໂຄ້ງ ບ້ານຫາດຊາຍຂາວ ເມືອງຫາດຊາຍຟອງ ນະຄອນຫຼວງວຽງຈັນ
ອາສາກູ້ໄພມູນນິທິ 1623 ອອກກວດສອບ ໄດ້ພົບ ຜູ້ບາດເຈັບ 2 ຄົນ ເປັນເພດຊາຍ 1 ຍີງ 1. ຄົນເຈັບທັງສອງ ມີອການດັ່ງນີ້:
ຄົນເຈັບ ຜູ່ທີ 1 ເພດຊາຍ ອາຍຸ 23ປີ ອາຊີບ ນັກສືກສາ ບ້ານ.ຫາດຊາຍຂາວ ເມືອງ.ຫາດຊາຍຟອງ ນະຄອນຫຼວງວຽງຈັນ. ອາການເບື້ອງຕົ້ນແມ່ນ ມີບາດແຜຢູ່ຕາມຕົນໂຕ. ຂາໂຕ້ເບື້ອງຂວາ ມີບາດແຜຖືກທໍ່ລົດດາດ. ມືນີ້ວກ້ອຍເບື້ອງຊ້າຍຂາດ ໄດ້ສະຕິ. ດັ່ງນັ້ນໜວ່ຍກູ້ໄພມູນນິທິຈື່ງປະຖົມພະຍາບານຂັ້ນຕົ້ນແລ້ວນຳສົ່ງໂຮງໜໍ ເສດຖາ (ດອນກອຍ)
ຄົນເຈັບ ຜູ່ທີ 2: ເພດຍີງ ອາຍຸ 20ປີ ອາຊີບ ນັກສືກສາ ບ້ານ ຫາດຊາຍຂາວ ເມືອງ ຫາດຊາຍຟອງ ນະຄອນຫລວງວຽງຈັນ. ອາການເບື້ອງຕົ້ນແມ່ນ ມີບາດແຜຢູ່ໃບໜ້າ ແລະ ຕາມຕົນໂຕ ໄດ້ສະຕິ, ດັ່ງນັ້ນໜ່ວຍກູ້ໄພມູນນິທິຈື່ງປະຖົມພະຍາບານຂັ້ນຕົ້ນແລ້ວນຳສົ່ງໂຮງໜໍ ເສດຖາ (ດອນກອຍ).
ສ່ວນຄວາມເສຍຫາຍ ຈາກອຸບັດຕິເຫດ ຄັ້ງນີ້ ເຈົ້າໜ້າທີ່ຈະກວດຕໍ່ໄປ
ລາຍງານໂດຍ: 1623
Subscribe to:
Post Comments
(
Atom
)
Post a Comment