ລົດເສຍຫຼັກ ປີ້ນເອງລົງຂ້າງທາງ ເຈັບ 3 ຄົນ ທາງບ້ານລິ່ງຊັນ ເມືອງທຸລະຄົມ 3/6/19
ແຂວງວຽງຈັນ: ລາຍງານຈາກອົງການກາແດງລາວແຂວງວຽງຈັນ ໃຫ້ຮູ້ວ່າໃນ ວັນທີ 3 ມິຖຸນາ 2019 ເວລາປະມານ 15:14 ໜ່ວຍກູ້ຊີບອົງການກາແດງແຂວງວຽງຈັນ ໄດ້ຮັບແຈ້ງເຫດຈາກປະຊາຊົນ ຜ່ານເບີ 023 1625 ວ່າມີເຫດລົດໃຫຍ່ເສຍຫຼັກປິ້ນເອງ ຢູ່ບ້ານລິ່ງຊັນ ເມືອງ ທຸລະຄົມ ແຂວງວຽງຈັນ.
ເມື່ອໜ່ວຍກູ້ຊີບອົງການກາແດງແຂວງວຽງຈັນໄປຮອດສະຖານທີ່ເກີດເຫດໄດ້ອອກກວດສອບເຫດພົບເຫັນ ມີລົດປີ້ນຫງ່ຽງຂ້າງ ຕົກລົງຂ້າງທາງ 1 ຄັນ ແລະ ມີຜູ້ບາດເຈັບຈຳນວນ 3 ຄົນ,ເປັນເພດຍິງ 2 ຄົນ
ອາການບາດເຈັບເບື້ອງຕົ້ນ:
- ຜູ້ທີ1:ມີບາດແຜຈີກຢູ່ທີ່ແຂນເບື້ອງຊ້າຍ
- ຜູ້ທີ2: ມີບາດແຜແຕກທີ່ຫົວ ແລະ ມີບາດແຜເຫຼີ້ນຖະຫຼອກທີ່ແອວ
- ຜູ້ທີ3: ຂາແລະແຂນເບື້ອງຊ້າຍຫັກປິດ
ດັ່ງນັ້ນໜ່ວຍກູ້ຊີບອົງການກາແດງແຂວງວຽງຈັນ ຈື່ງໄດ້ ໃຫ້ການປະຖົມພະຍາບານເບື້ອງຕົ້ນແລ້ວນຳສົ່ງໂຮງໜໍ ແຂວງວຽງຈັນ.
--------------------------------
Subscribe to:
Post Comments
(
Atom
)
Post a Comment